Abstract : Soziolinguistek bi alor zabal ezberdintzen dituzte hizkuntza baten aldeko hizkuntza politika indarrean jartzen denean, deitzen duten hizkuntzaren plangintzan. Alde batetik estatus-plangintza, bestetik corpus-plangintza.
Artikulu honetan euskararen corpusa aztertzen dugu, Ipar Euskal Herritik ikusirik. Euskara batuaren sortzearekin idatzizko kodea estandarizatu izan da, bereziki Euskaltzaindiari esker. Urrats anitz egin dira denbora gutitan. Euskaltzaindiak euskararen corpusa landu du eta lantzen du. Euskararen kodifikatzaile nagusia izan da eta da, eta ondorioz lehen preskribatzailea ere.
Bukaeran, alor honetan Euskaltzaindiak nola Ipar Euskal Herriko hizkerak kontuan hartu dituen aztertzen dugu eta, geroko, erronka berriak zein izan daitezkeen.
