Résumé : Nork ez du hemen Elizanbururen Nere etxea ezagutzen? Kantu hori, nik ere ttipi-ttipitik entzuna izan dut Oilandoi eta Auzako mendiaren gerizapean bizi nintzelarik. Eta, nahiz nik, bakarrik lehendabiziko bi bertsoak dakizkidan gogoz, aitak, muttiko bat zelarik, Baigorrin ikasi zituen kantatzen hamarrrak burutik... Amak ere, mugaz bertzaldeko Baztango bailaran, ene amatxi zenaren altzoan ikasi zituen bertsu horiek berak nexka koxkor bat zelarik... 1862-an, laster ehun eta hogeitamar urte beraz, J.B. Elizanburuk Nere etxea presentatu zuen Urrufiako A. d'Abbadie d'Arrast-ek antolatutako xapelketan, bertze bi kantuekin: "Apexa eta Lorea" eta "Agur Herriari". Harrigarria da kantu honek segiduan ukan zuen arrakasta zazpi probintzietan.
